Sola Scriptura

Description

T’i ndihmojmë fëmijët të kuptojnë ungjillin “Mbjellësi doli të mbjellë…” Kështu fillon një prej shëmbëlltyrave më të njohura të Jezusit. Por si duhet ta zbatojnë prindërit dhe mësuesit mësimin e Mateut 13, teksa i prindërojnë dhe i mësojnë fëmijët e tyre? Ungjilli është e vërteta më e rëndësishme që një brez mund t’ia komunikojë tjetrit, dhe Perëndia i thërret prindërit dhe mësuesit të jenë mbjellës të mençur. Kjo kërkon praktika të sakta, dalluese dhe të qëllimshme kultivimi, mësimi dhe lutjeje, me shpresën se, Perëndia që jep rritjen, do të punojë në zemrat e fëmijëve për të sjellë të korra njëqindfish besimi. Ky libërth përfshin një seri devocionale 10-javore për familjen, 10 të vërteta thelbësore të ungjillit, për t’i ndihmuar prindërit t’ua shpjegojnë ungjillin fëmijëve të tyre. Tema të tjera që trajtohen përfshijnë: përgatitja e zemrave të fëmijëve për ta dëgjuar ungjillin, dallimi i fazave të rritjes frymërore, komunikimi i të vërtetave thelbësore të mesazhit të ungjillit dhe prezantimi i ungjillit në mënyrë të saktë dhe të kuptueshme nga fëmijët. Por ti qëndro në ato që mësove dhe u binde plotësisht, duke e ditur prej kujt i mësove, dhe se, që nga fëmijëria i njeh Shkrimet e Shenjta, të cilat mund të të bëjnë të urtë për shpëtimin me anë të besimit në Krishtin Jezus.– 2 e Timoteut 3:14-15