Teknologjia e Ruajtjes dhe Perpunimit te Dritherave – Prof. Dr. Abdyl Sinani

Description

Teksti Teknologjia e Ruajtjes dhe Përpunimit të Drithërave me autor Prof. Dr. Abdyl SINANI, trajton njohuri teorike e praktike të një dege të rëndësishme të industrisë agroushqimore, në kuadrin e sistemit agroushqimor të vendit. Autori me një eksperiencë të madhe në sektorin e përpunimit të drithërave, pas një pune shumë vjeçare, të kujdesshme, me ndjenjë të lartë përgjegjësie dhe profesionalizmi, ka sjellë një punim të parë të këtij lloji, i cili meriton vlerësime të veçanta, sidomos për ndihmën konkrete që ky punim i ofron jo vetëm studentëve, por të gjithë specialistëve të këtij sektori të rëndësishëm, me një shtrirje dhe zhvillim të konsiderueshëm në vendin tonë. Gjerësia e problematikës, qartësia e paraqitjes dhe niveli i lartë profesional i të dhënave, plotësohen me spjegime dhe hollësi të nevojshme për studentët si nga pikëpamja historike, teorike, shkencore, eksperimentale, teknike dhe organizative. Gjuha e qartë, terminologjia e saktë dhe lidhja organike e problemeve, e bëjnë tekstin një punim me vlerë të madhe, të cilën unë e çmoj dhe i jap me përgjegjësi miratimin e padiskutueshëm, pavarësisht se aty-këtu ka nevojë për disa shkurtime, rregullime ose spjegime, gabime ortografike, që autori nuk e ka të vështirë tâ€i realizojë dhe për të cilat kemi diskutuar drejtpërdrejt tashmë.