Tetë orë nga Anglia

Description

“Tetë orë nga Anglia” është një libër me kujtime i majorit britanik Entoni Kueil për përvojën e tij në Shqipëri, ku erdhi për të mbajtur të hapur një bazë ushtarake në bregdet, që do të shërbente për sjelljen në Shqipëri të materialeve ushtarake në ndihmë të luftës kundër gjermanëve, për transportin e ushtarakëve të ndryshëm aleatë për në Shqipëri dhe prej Shqipërisë drejt Italisë, si dhe për tërheqjen drejt Italisë të ushtarakëve italianë të mbetur nga lufta në Shqipëri. Në libër tregohen raste të ndryshme të panikut që shpërthente kudo, në të gjitha frontet, nga shfaqja vetëm e ndonjë patrulle ushtarake gjermane dhe nuk jepet as edhe një rast i vetëm që një patrulle të tillë t’i kundërviheshin ushtarakisht as partizanët, as ballistët, as fshatarët, e as misionet aleate. Të gjithë largoheshin ku të mundeshin nga prania e gjermanëve. Disa vese të shqiptarëve të zonës, si mburrja, hipokrizia, gënjeshtra, vjedhja, zbavitja me fatkeqësinë e tjetrit, madje edhe vrasja e tjetrit për ta grabitur, si dhe puna e tyre në ndihmë të misionit aleat, që bëhej vetëm për para e jo për idealizëm, i bënë shumë përshtypje Kueilit. Edhe pse i shkruar jo krejt në stil profesional historik, ky libër jep një ndihmesë me vlerë në ndriçimin e historisë shqiptare të një periudhe shumë të diskutuar të saj.