Tryezat e ambasadorit

Description

Autori: Paolo Foresti Ish Ambasadori italian ne Shqiperi, Paolo Foresti u rikthehet kujtimeve te tij gjate sherbimit diplomatik, duke ndare ne nje rend kronologjik ngjarjet domethenese qe shenuan misionin, tranzicionin kritik qe kaloi vendi yne dhe momente qe shenuan per historine e ambasadorit por edhe per marredheniet dypaleshe. Projekti që i propozova vetes është ai i të rrëfyerit, përmes pretekstit të mbledhjes rreth tryezës, të veprimtarive dhe përvojave të një diplomati, duke treguar realitete shumë të ndryshme nga ato stereotipe të shpërndara në opinionin e atyre që nuk kanë lidhje me këtë punë. Në mënyrë të thjeshtë dhe në pamje të parë sipërfaqësore, jam përpjekur t’u jap zë përshtypjeve, fakteve, ndërmjetësimeve të realizuara, pa nxjerrë në shesh atë çfarë i përket ende vetëm arkivave diplomatike, po duke ia lënë intuitës historitë e nënkuptuara. Rrëfimi është i strukturuar sipas një rendi kronologjik të secilës gosti të cituar (nuk bëhet fjalë për mbrëmje gala, siç mendohet zakonisht), po më pas zgjerohet lirisht në kohë dhe në histori sipas personazheve dhe vendeve që marrin pjesë. Nuk dëshiron të jetë një shkrim autobiografik, edhe pse në mënyrë të pashmangshme lind dhe zhvillohet nëpërmjet përjetimeve të mia profesionale. Gjithçka shoqërohet me fotografi vendesh e personazhesh dhe në shtojcë riprodhohen menytë e tryezave.