Unazë montimi KiwiFotos, 52mm-67mm

Description

Me këtë unazë mund t’i lidhim bashkë dy lente. E vidhosim unazën me diametrin që na duhet (aty ku futet filtri) te lenta që është vënë te kamera. Pastaj duhet parë ça diametri ka lenta e dytë (po aty ku futet filtri) – ajo që duam ta lidhim me lenten që është te kamera. Kështu mund të lidhim dy lente, ku e dyta vihet mbrapsht, dmth me anën e përparme nga trupi i kamerës. Kjo përdoret për makrofoto. Shkalla e zmadhimit makro varet nga gjatësia fokale e lenteve që kemi lidhur me njëra-tjetrën. Unaza është metal, alumin, punim i mirë. Janë unaza nga një aliazh i veçantë metali, të lehta edhe njëkohësisht të forta, që s’u dëmtohet filetoja, me ngjyrë të zezë, të nxirë enkas kimikisht. Përshtatësit kanë një shtresë që s’e lë lenten të gërvishtet nga vidhosjet dhe heqjet e shpeshta. Te këta përshtatës vlen të thuash që kanë cilësi të lartë dhe janë punuar me shumë saktësi.