VEPRA NE KARBON IV

Description

Bibliography Artan Marku lindi në Fier në vitin 1968. Ai kreu studimet për skulpturë monumentale në Institutin e Lartë të Arteve, sot Universiteti i Arteve, dhe diplomoi në vitin 1990. Menjëherë pas përfundimit të studimeve, Marku filloi të punojë si mësues në Liceun Artistik “Jakov Xoxa” në Fier, duke kontribuar në formimin e brezave të rinj të artistëve. Njëkohësisht, ai mbajti pozicionin e përgjegjësit në Galerinë e Arteve, Fier. Në vitin 1993, Marku vendosi të emigrojë në Athinë, Greqi, ku qëndroi për 12 vjet. Gjatë kësaj periudhe, ai u angazhua thellësisht me artin e skulpturës dhe veçanërisht përqendroi përpjekjet e tij në zhvillimin e miniaturës, duke perfeksionuar teknikën dhe stilin e tij unik. Artan Marku është një artist, i cili ka marrë pjesë në shumë ekspozita kombëtare dhe ndërkombëtare. Veprat e tij gjenden në koleksione private brenda dhe jashtë Shqipërisë, si dhe në institucione publike si Galeria e Fierit, Tetovës dhe Gostivarit, si dhe në Ambasadën e Shqipërisë në Athinë. Ai ka krijuar gjithashtu disa vepra publike duke përfshirë “Djaloshi i Dimali” në Dimal, punuar në bronx, si dhe tre vepra përballë godinës së Galerisë së Arteve “Vilson Kilica” në Fier, realizuar në dru ekualipti dhe metal. Ndër arritjet më të rëndësishme të tij artistike duhet përmendur pjesëmarrja si skenograf i pavijonit shqiptar, në eventin prestigjioz dhe nderkombëtarë të artit bashkëkohorë, siç është Bienalja e Venecias , edicioni i vitit 2019, përfaqësuar nga artisti i mirënjohur shqiptar Driant Zeneli. Kjo pjesëmarrje është dëshmi e njohjes ndërkombëtare të talentit dhe profesionalizmit të Markut. Artan Marku, Untitled – Series, 2025, vizatime në karbon në letër, Dimensionet:100 × 70 cm secila (4 punime). CMIMI: 2.000 € secila (×4).