Xhejmsi

Description

Ripërfytyrimi brilant i një udhëtimi drejt lirisë Kur skllavi Xhim dëgjon se do t’i shitet një burri në Nju Orlins, i ndarë kështu përgjithmonë nga e bija dhe gruaja, ai vendos të arratiset e të fshihet në ishullin Xhekson aty pranë, për të hartuar një plan shpëtimi për familjen e tij. Ndërkohë, Hak Fini ka falsifikuar vdekjen e vet për t’i shpëtuar të atit të dhunshëm, i cili është kthyer së fundmi në qytet. Siç e dinë të gjithë lexuesit e “Aventurave të Hakëlberi Finit”, kështu fillon udhëtimi i rrezikshëm—me trap, teposhtë lumit Misisipi—i këtyre dy personazheve të paharrueshme të letërsisë amerikane drejt premtimit të pakapshëm dhe shpesh të pabesueshëm të Shteteve të Lira. Autori Percival Everett e merr kryeveprën e Mark Tueinit dhe e tregon historinë nga një perspektivë krejtësisht e ndryshme në romanin e tij, Xhejmsi . Gjithçka vjen përmes syve të atij që të gjithë e njihnin thjesht si Xhimi, duke zbuluar inteligjencën, dashurinë, përkushtimin, guximin dhe humanizmin e një njeriu të vërtetë, i cili tashmë bëhet protagonisti absolut i historisë. Ky është një burrë që vendos të zgjedhë lirinë me çdo kusht dhe të quhet me emrin e tij të vërtetë, duke refuzuar nofkën përçmuese që përdornin të bardhët për të treguar personat me ngjyrë. Me humorin, zgjuarsinë, stilin dhe mprehtësinë që e dallojnë dhe e kanë bërë një nga shkrimtarët më të rëndësishëm të brezit të tij, Everett sjell një vepër që e magjeps lexuesin nga faqja e parë deri në të fundit. Një libër që, sipas kritikëve dhe lexuesve mbarëbotërorë, do të bëhet një gur themeli i padiskutueshëm në historinë e letërsisë moderne.