Një minutë më parë

Description

Ndonjëherë rivalëve u duhet vetëm një putër qeni që t’i ndihmojë… Mjafton vetëm një ditë në shkollën e tyre të re që Parkeri dhe Sveni të bëhen armiq të betuar. Të dy adoleshentët mbartin mbi supe pesha të rënda nga e kaluara, por i përballojnë ato në mënyra krejtësisht të ndryshme. Parkeri ka kaluar një verë të tmerrshme dhe tani dëshiron vetëm një gjë: të jetë e padukshme në sytë e të gjithëve. Nga ana tjetër, Sveni është i vendosur të bëjë përshtypje me çdo kusht. Ai dëshiron me dëshpërim të njihet për diçka tjetër, përveçse si “ai djali i gjorë me epilepsi”. Rrugët e tyre, tashmë të ndara nga armiqësia, përplasen papritur kur Parkeri bën një zbulim tronditës. Qeni i saj i dashur, Alaska, të cilin familja u detyrua ta largonte nga shtëpia vitin e kaluar, tani i përket Svenit si një qen asistence. Për Parkerin, kjo është e papranueshme dhe ajo vendos ta marrë Alaskën përsëri, me çdo kusht. Sigurisht, kjo është shumë më e lehtë të thuhet sesa të bëhet… Shkrimtarja Anna Woltz (në shqipërimin e Grejsa Ymeri-Böhl) na sjell një roman të jashtëzakonshëm ku një konflikt i ashpër kthehet në një rrugëtim të papritur mirëkuptimi. “Një minutë më parë” është një libër ku armiqtë zbulojnë se, ndonjëherë, i vetmi person që mund të të kuptojë vërtet është ai që fillimisht e urreje, dhe lidhja mes tyre mund të ndërtohet përmes dashurisë për një qen besnik.