Rrënjët në zemër ‒ trashegimi kulturore

Description

Një udhëtim ndër breza dhe një udhërrëfyes i trashëgimisë sonë shpirtërore I konceptuar si botim dygjuhësh shqip-anglisht, ky libër vjen si një informacion i përmbledhur dhe udhërrëfyes në njohjen e identitetit shqiptar, duke qenë gjithashtu tepër tërheqës për turistët që dëshirojnë të mësojnë më shumë për kulturën tonë apo ta marrin si një suvenir të çmuar. Ky projekt ndërkombëtar u krijua për shqiptarët kudo që janë: në Shqipëri, Kosovë dhe Diasporë, për të lidhur brezat, për të forcuar ndjenjën e unitetit dhe për të mbajtur gjallë lidhjen e pashkëputur me rrënjët tona. Libri ndërthur pasurinë e thesarit tonë historiko-kulturor: • Jetën e figurave të shquara kombëtare dhe gjeografinë e ngjarjeve të mëdha. • Muzetë, veprat e artit, veshjet tradicionale dhe zakonet. • Festat, simbolet, legjendat, folklorin, kështjellat dhe fjalët e urta. • Bukuritë e natyrës, vallet, pullat postare dhe kartolinat e qyteteve tona. Një përvojë ndërvepruese për të gjithë familjen Përveç informacioneve të vlefshme, libri është i mbushur me kureshti dhe aktivitete argëtuese, si ngjyrosje, kolazh, prerje-ngjitje ( dress up ), vijëzim, enigma pamore, rebuse, fjalëkryqe, fjalëgjetëse dhe forma ngjitëse ( stickers ), ndërsa së shpejti pritet të vijë edhe në versionin e digjitalizuar. Ky është një libër për të gjithë familjen. Prindër, pasurojeni leximin dhe plotësimin e tij me përvojat, traditat e zonës dhe kujtimet tuaja, duke i bërë këto çaste të paharrueshme për fëmijët tuaj!